Liberté Toujours!----أحمر

رأينا خطأ يحتمل الصواب... ورأي غيرنا .....زي ما انتو شايفين

صورتي
الاسم:
الموقع: Palestine/World

الثلاثاء، ديسمبر 30، 2008

مش جاعبالي


هيك، وبلا مقدمات، مبعبص هالصباح

يعني شو بدو يحكي الواحد؟ صمود؟ مقاومة؟ ما خلص كتير انقالت، وهاي مكانها المنشور، مش المدونة... طب نلعن ألله أخو شرموطة؟ ما كحّلناه إحنا لألله، في المدونة، لإنو ما خلونا نعملها في المنشور

إنو يعني غزة عم بينيكوا أختها في هذه الأثناء، هذا تفصيل صغير، ذو طابع كمي، مش فارق نوعي
ما هو أصلا طول ما الواحد مش في غزة، ما راح يحس بالفارق الكمي، فا عشان هيك الغضب اليوم كمي، مش نوعي

إنو يعني ماتوا عالم، أوكي لا حول ولا، بس البعبصة إنو يصوروهم ميتين، وبدون ما يستأذنوهم

إنو 100 عسكري يموتوا بخبطة واحدة، برضه بتصير، ما هي برضه حرب، وكمان حرب شعبية (يعني مش راقية)
بس البعبصة هي أنك تشوفهم مرميين هيك زي الجنود لعب البلاستيك، بعد ما يرمي عليهم إبن الـ8 سنين قنبلة متخيلة وهو عم بيقول: تففففففففففففففففففف ... بششششششششش، ويطيرهم في الهوا

إنو يعني في هذه الأثناء يطلع لك الطيب عبد الرحيم ويقول صبرا أهل غزة، ويوعدهم بـ "سقوط الأجندة الخارجية" و"عودة الشرعية قريبا"، برضه أوكي، على الأقل هذ، بالإضافة للي بيقوله معلمه عباس، كله بيدخل في بند الفكاهة،
بس البعبصة إنو حتى اليورونيوز تستحي وتحاول تدافع عن شرف عباس، وتأكد إنو مبارح ندد بالمجزرة بشكل أقوى من أول مبارح

طبعا مظاهرات، وبيانات، ومعونات وتضامن، ما هو برضه إحنا بني آدمين وبنحسّ، ولا لأ شباب؟

آه وكمان راح نقاطع البضاعة الأمريكية، علما بإنو برضه منيح إنو العالم رجعت في العام الماضي تشرب كوكاكولا وتدخن مالربورو، عشان نلاقي اليوم شي ندعو لمقاطعته... فعلا الجماهير عندها رؤية أستراتيجية

مع هذا كله، هالصباح مبعبص، والأسبوع كله راح يظل مبعبص إلى إشعار آخر، أو لا نشوفهم هم كمان عم بيموتوا وبيطيروا زي لعب البلاستيك

وإلى ذلك الحين، نهنئكم بذكرى انطلاقة العمل الفلسطيني المسلح، وهابي نيو يير