ربّ ضارّة
- يا أخي هاليومين عم بنام منيح في الليل وطول العصر، فيه شي متغيّر بس مش عارف شو؟
- يمكن عشان الأذان وطي صوته شويّ؟
- كيف؟ شو وطّاه؟ معقول نكون نحنا سمعنا خفّ على كبر؟
- لا عنجد وطّوه السلطة
- معقول؟ نكاية بحماس يعني؟ زي ما بعصوا الزكاة وخطب الجمعة؟
- لا، هالمرة مش عشان حماس، هالمرة قال يا سيدي بيزعج المستوطنين
- عشان المستوطنين؟ عم بيسمعوه؟ هالقد صاروا قراب علينا؟
- شو بيعرّفني..
- يعني أكيد عشان المستوطنين؟ ولك بلكي عشان المسيحية؟ أو مثلا عشان اللي ما بيصلّوش الصبح؟
- لا، هذول إذا الواحد منهم فتح ثمه بينيكوه فتح وحماس مع بعض. هالمرة عن جدّ عشان المستوطنين، قال بينزعجوا، وزي ما انتا عارف موسم الزيتون قرّب، والسلطة عندها أزمة مالية، فا فهمت كيف؟
- قولتك ممكن يعني يصلحوا مجاري المخيم إذا ريحتها وصلت للمستوطنة؟
- ألله كريم
- معناتو ألله يديمهم علينا، ويقرّبهم أكثر
- بس على الأغلب إذا ريحة خراك وصلت للمستوطنة ممكن يغيرولك نظامك الغذائي، أو يسكّرولك طيزك... أرخص إشي
- بيعملوها
- شو بدك تقول... متطلبات المرحلة... ما هو عشان موسم الزيتون، والناس يا خوي تعبت، وبدها تعيش ومش ناقصها مشاكل....
- ليش هو من قليل مستوطنين حيطنا؟
posted by أحمر | 12.8.10
6 Comments:
LOOOOL
سيدي أرض محتلة، واذا بدهم يسكروا الأذان نهائي بيسكروه، وأعلى ما في خيلنا نربكه
في مجموعة في المغرب تطالب بالحق بالافطار جهارا فش رمضان شو رأيك ننقل التجربة للمكتب السياسي للجبهة الشعبية بركي علق عالموضوع
شو خص رب الجبهة الشعبية؟ بلا هبل ياا
يا اخونا انت ليش نيتك عاطلة
الا و قد هبش الهباش ان هذه القرارات اتخذتها الحكومة السابقه (تبعت حماس) و ان مجرد تطبيقها الان و ما نشرته هاارتس عن المستوطنين لا يتعدى كونه توارد خواطر و مجرد صدفه ملعونه ومحاولة رخيصة لزيادة الضفط الذي تتعرض له السلطة الفلسطينة في هذه المرحلة الحرجه من نضال شعبنا لنيل حقه في تقرير المصير و اقامة دولته المستقله و عاصمتها القدس الشريف
.
.
.
تحياتي
...تصفيق حاد....
احمر صديقي
احييك من بلاد الثلج والحشيش
عندي رجاء ان تضيف مدونتي الى ضحايا المرمية.حيث اني عن جد اشتقتلها .
مع العلم اني اقوم احيانا بالسرقة من مدونتك فسامحني.
مش محشش لانه مقطوع
am-not-hi.blogspot.com
إرسال تعليق
<< Home