Liberté Toujours!----أحمر

رأينا خطأ يحتمل الصواب... ورأي غيرنا .....زي ما انتو شايفين

صورتي
الاسم:
الموقع: Palestine/World

الثلاثاء، أكتوبر 18، 2011

الأسيرات المحررات... زلة فرويديّة



أولا شكرا لحماس على عملية خطف الجندي وعلى فرضها تبادل الأسرى، مهما كانت نواقصه... مش راح نتمعلم على حماس كيف يفاوضوا، زي ما ما تمعلمناش عليهم كيف يخطفوا جندي.


إنه أوكي مفهوم ما يطلع بدل شاليط كل الأسرى المؤبدات وكل القيادات العليا المحبوسة.. مفاوضات هاي..

مفهوم كمان إنه اللي إنأسروا أثناء المفاوضات يكونوا مش داخلين في الصفقة.. أي حكم كرة قدم ممكن يوضّح لك ليش هذه النقطة مش محسوبة..

طبيعي كمان إنه نضطرّ نوافق على إنه البعض يتم إبعاده.. أصلا عملوها في صفقة كنيسة المهد، وغير هيك يمكن أأمن للشباب.. وكمان أي مسجون بينجح بالفرار أكيد راح يحاول يعبر الحدود ويترك البلد إلا إذا عنده مشروع حبسة جديد..

وإنه حماس ركّزت على أسراها أكتر من بتوع فتح.. معلشّ أخ كريم يونس.. بس بتوع فتح القدامى عندهم أمل يطلعوا في التسوية الجاي اللي لسه بحاجة لرصيد من المساجين يطلعوا كجائزة ترضية بعد كل تنازل كبير عن الأرض... مساجين حماس، مع إنه مش فوتوجينيك كتير زي الأسيرات والرفيق أحمد سعدات، من المتوقّع إنه ألله ما بيطلّعهم..

إنه التبادل إجا في نص الإضراب؟ ما هي أصلا حماس كانت ضد الإضراب. عرفتوا هالحين ليش؟

طيب، وطبيعي وعادي جدا كمان يراعي المفاوض الحمساوي الظروف الإقليمية والمحلية والأمنية.... إلخ.. يعني الحياة مفاوضات على رأي أبو قريع..

هذا كله مفهوم، ومهضوم، ويدخل في حساب الحياة اليومية التعسة... الشي الوحيد المثير لرفع الحاجب تساؤلاً هو ليش في كشف الأسماء اللي وزعته حماس مكتوب عند الأسرى مثلا "إبعاد"، "إفراج إلى غزة"، "إفراج إلى منزله"، وفي الآخر بتيجي صفحة الأسيرات وكاتبين لهن: "إلى البيت" !

حماس منسجمة تماما مع ذاتها..

5 Comments:

Anonymous غير معرف said...

هههههههههههههههههههه يلعن دين شدة الملاحظة -- مع اني قرأت القوائم كلها بالعربي وبالانجليزي ومع الملاحظات بس ما خطر في بالي شو الفرق بين الافراج الى منزله للذكور و -- الى البيت -- للاناث -- على فكرة انت منسجم مع ذاتك اكثر من انسجام حماس -- وعندك تيليسكوب في فكرك واالي مثلك عمرو ما رح يرتاح -- سيبك من اللي داير عليه وشوف حالك -- رغم انو الجية لمدونتك عندي نزهة جميلة ومش حابب انها تنقطع بس لاني حبيتك حزنان عليك ومستعد اضحي بالنزهة عشان تحافظ عالشوي اللي ظايلات في راسك -- ومن هنا وبصفتي ولا حدا في حياتك فاني اعفيك من مهمة الوجع الوطني واطلق سراحك الى -- بيتك - كون بخير
dark rain

19 أكتوبر 2011 في 9:15 ص  
Anonymous غير معرف said...

مش طبيعي شدة الملاحظة اللي عندك !
استمر بالكتابة دايماً .. كتاباتك بتسعدني :)))

25 أكتوبر 2011 في 4:05 ص  
Anonymous غير معرف said...

مش طبيعي شدة الملاحظة اللي عندك !
استمر بالكتابة دايماً .. كتاباتك بتسعدني :)))

25 أكتوبر 2011 في 4:11 ص  
Blogger أحمر said...

ميرسيي، بس شو هو مطروح للتصويت في ستار أكاديمي إذا استمر ولاّ ما أستمر؟ شو فاكرين عشان يعني القذافي تدعوس صارت الدنيا عن جد ديمقراطية؟

25 أكتوبر 2011 في 10:14 ص  
Anonymous صحة أون لاين said...

موضوع رائع تسلم يمينك

4 فبراير 2012 في 1:37 م  

إرسال تعليق

<< Home