Liberté Toujours!----أحمر

رأينا خطأ يحتمل الصواب... ورأي غيرنا .....زي ما انتو شايفين

صورتي
الاسم:
الموقع: Palestine/World

الثلاثاء، ديسمبر 11، 2007

خلّيك بالبيت

تحت شعار "كلمة حرة وإعلام مستقل" أطلق موقع "أمين"، وهو مختصر فصيح لجملة أراب ميديا إنترنت نتوورك، موقع المدونات الفلسطيني الأول، داعيا القارئ أي الكاتب المستقبلي لأن يفضفض: "يمكنك عزيزي الزائر من إنشاء صفحة ويب خاص بك وتقوم بتحديثها وقت ما تشاء وبما تشاء ، فإذا كانت لك ملكة الكتابة قم بالإفصاح عما في نفسك الآن! ودوّن مقالاتك و أفكارك و مجريات حياتك بكل حرية،وتبادل الآراء و وجهات النظر مع الآخرين!”
سنرجع لهذه النقطة فيما بعد، لكن يسرنا أن نعلمكم بأن أولى طلائع المدونات الفلسطينية محلية الصنع يعني في الموقع إياه قد لاحت في الأفق مبشرة بالمزيد الآتي، فقد صار بإمكان القارئ متابعة حوالي 300 مدونة على موقع أمين، معظمها تحتوي عناوينها على كلمة وطن، القدس عاصمتنا الأبدية، بلد، وكل ما يشتهيه المواطن من عناوين تشرئبّ نفسه للعثور عليها وفلشفشة محتواها، وبالطبع يمكن يجد القارئ هناك "رابطة الإعلام الألكتروني الفتحاوي"، إضافة إلى مشروع مدونة جبهاوي (؟) بعنوان "لا تمت قبل أن تمون ندا"، أفهم منه إصرار الجبهة ببنامجها الداعي أبدا إلى الحوار الوطني على أن لا تموت قبل أن "تمون" فيقرأ الكبار مبادرتها المشتركة مع المبادرة (نأسف لهذا الفقر في المفردات ونعلن عدم مسؤولياتنا)، فالسؤال المصيري المطروح الآن على اليسار الفلسطيني هو أن "نمون أو لا نمون"، ذس إز ذ كويسشن، وبالطبع فما زلنا بانتظار التدوينة الأولى على هذه المدونة، في حين تتفوق مدونة رابطة الإعلام الفتحاوي عليها بواقع تدوينة ومجموعة روابط لكل مواقع فتح على الشبكة.. لا بأس فتح تدخل عالم النت بعنف، وبالذات في المرحلة التي لا تملك فيها ما تقوله وتفتقر أشد ما تفتقر إلى من يعرف القراءة، ونستثني هنا طبعا جهابذة جريدة الأيام الصادرة في رام الله الذين تعلموا القراء في مراحل مراهقتهم اليسارية فكسبوا الصنعة، وعموما كمان هدول فتحوا مدونات عند أمين، عشان الزيت يضل في العجين.
طبعا زاد عدد المدونات هناك منذ بدأت كتابة هذا النص (منذ عدة أشهر قبل انشغالي بالمشروع النووي الإيراني)، لكن لب الموضوع كان اصلا هو أن "أمين" تفتخر بإنها موقع المدونات الفلسطيني الأول، يعني شه ابتزاز عاطفي من أجل وقف نزيف "الأدمغة" ودعوة للعقول الفلسطينية المهاجرة إلي البلوغسبوت مثلا إلى العودة إلى حضن الوطن الألكتروني، حيث تتجسس عليك وتتابع تطوراتك ثم تلاحقك مخابرات وطنك الأم وليس السي أي إي كما هو الحل في البلوغسبوت مثلا، فا أنا قررت أسحب أصبع حشيش عشان أعرف أتابع، وبدأت أتخيل عودة مجلس الأئمة المظفرة إلى حمى الوطن الديغيتال، وكيف سننتقل إلى أمين ونفتح مكاتب في رام الله ونجيب سكرتيرات محليات الصنع... وشط بي الخيال حتى وصلت إلى شروط العضوية، ممكن هنا أن تتخيل نفسك عند إشارة "قف"، ومركز حدودي، وإنتا عم بتعبي بياناتك في كرتونة وبتقدمها للضابط، الحريص على أمن الوطن، والمواطنين.... كمان نفس حشيش، وندخل الوطن الألكتروني....


مرحباً بك مع مدوّنات أمين. بإنشائك وتفعيلك لمدوّنتك لخاصة، أنت مُلزم بالشروط والتعليمات التالية، وفي حال مخالفتك لأي من الشروط أدناه، يملك أمين كامل الصلاحية في حذف أو نقل أو إغلاق مدوّنتك والحق في اتخاذ الإجراء الذي يراه مناسباً دون الرجوع المسبق إليك؛ ومن تلك الإجراءات توجيه إنذار، أو حذف موضوعك، أو منعك من المشاركة في المدوّنات بشكل نهائي.


لاحظ إنك هنا على طول دخلت في جو الوطن: أنت أول شي "ملزم"، وبعدين بييجي احتمال مخالفتك لشروط، فيأتي دور "صلاحيات" المعلّم بالـ حذف، والنقل، والإنذار، المنع، و ...نهائي، لا لأ لأ، شد كمان نفس حشيش، وتابع...
نعم، هو الوطن، وعلى رأي سميح شقير، يخبئ فينا عشقه الأبدي...
طيب خلينا نشوف الشروط:

..
1. المواد المطروحة في المدوّنات: أسرة أمين لا تتحمل أيّة مسؤوليّة عن المواد الّتي يتم عرضها و/أو نشرها في مدوّنات أمين. ويتحمل المستخدمون بالتالي كامل المسؤولية عن كتاباتهم وإدرجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر.
..
شهييق، زفييييير ........ماشي، هاي عادي، موجود منها كمان في بلاد برة، الراكية والمتكدمة..

..
2. مراعاة الآداب العامة: عند كتابة أي إدراج يجب عدم التعرض لأية ديانة سماوية أو أي مذهب ديني بأي نوع من أنواع الإساءة، أو التعرض لأي شخص بالإهانة أو الإيذاء أو التشهير، أو كتابة ما يتعارض مع القوانين المتعارف عليها رسمياً، والمساس بولاة الأمر والأهل.
هوووووووووووووووووووووووب! طارت التسطيلة..... إلا ولاة الأمر... طيب، يعني ما نطب بالسياسة، ولا بالدين، ولا حتى بالماما والبابـا.... طيب والقوانين المتعارف عليها رسميا؟ يني هل هناك أيضا قوانين "غير متعارف عليها"؟ وكيف أصبحت هذه قوانين؟ ومتعارف رسميا كمان؟ يعني مشرع؟ يعني قوانين عادية، قوانين.. "العادة"؟ ما هو إذا متعارف عليها، يعني مش مشرعة في برلمان مثلا، يعني هي "أعراف"، لإنو إحنا عندنا أحكام عرفية، أحكام عرفية غير رسمية لكن بالقانون، وطبعا حفاظا على الديمقراطية، والحرية والثقافة الوطنية العلمانية... لأ لازم أشد كمان نفس، عشان أواصل... كمان نفس، كمان نفس..... موسيقى في الخلفية، أغنية عن رام الله الصامدة، وموال عن بيارات الوطن، وعروس الشمال نابلس (كانت زمان في وسط فلسطين)، يا سلام، كمان نفس والشمال بيصير في الوسط بس... وهلق بعد ما تهيأت نفسيا، فلنكتب أولى التدوينات التي تتفق مع شروط العودة، وتراعي كووووووووووووووووول الآداب العامة:

أعزائي المواطنون والمواطنات، شركائي في وطننا الجميل المعبق برائحة البارود وورود الربيع، نعم إنه الربيع يلقي ظلاله الخضراء على ربوع وطننا من رفح عروس الجنوب إلى جنين، أقصى الشمال. إنه البحر يلمع في الأفق ويقبل مدينة غزة الساحرة على جبينها في هذا اليوم الجميل. رغم استمرار الأحداث المؤسفة التي لن تنال من وحدتنا الوطنية نتواصل معكم، حيث تتواصل الجهود لمنع الانفصال بين محافظات الوطن الشمالية والجنوبية..
إن الرئيس عباس ليس وحده في هذه المهمة الشاقة فنحن لم نتخل عنه وما زلنا على موقفنا الرافض بشدة للاقتتال الداخلي، وإننا ندعو إلى حوار يجمع كل من أطراف النزاع
فلنلتفّ جميعا حول قيادتنا الشرعية، ولنحمي الوطن من حمام الدم الفلسطيني الفلسطيني، ولنعمل معا من أجل سيادة المؤسسات وضبط الفلتان الأمني، حتى يترقرق صوت فيروزا المخملي الشفاف الآتي من سماء الجنة ليلامس القلوب، وأي صباح يصفو بلا صوتها الملائكي يغني لفلسطين، للعودة، للقدس وبيساااااااان

بيسان؟ لأ لأ هاي مش متعارف عليها... شد رفيق، شدّ كمان نفس وركّز معانا

فيروز: نحنا والأمر جيران.....


وطبعا إنو الجبهة ما زالت على موقفها الداعي إلى الوحدة الوطنية بأي ثمن، وراح نصدر قريبا جدا وثيقة جديدة للحوار الوطني كأرضية للمصالحة ولتعزيز الوحدة الوطنية بين كل ألوان الطيف الفلسطيني، وتفعيل منظمة التحرير الفلسطينية....

طارت التسطيلة، كمان نفس... يييييييييييييييييييييي العمى، خلصت السيجارة.... له له له بلّشنا نصحى..

لأ معلش شباب أنا قررت أظل في البلوغسبوت، وتحت رقابة السي اي إيه والموساد مباشرة. على الأقل هون ما فيه قوانين متعارف عليها، والتقارير بتوصل على طول لراس النبع بدون إضافات كيدية من جماعتنا، إضافات ممكن توديك غوانتانامو..
لأ معلش شباب، خيرها بغيرها، ومتنى للرفاق التوفيق في أن يكونوا "ندا"، أو يكونوا أي شي، بس على الأقل يكونوا، ويمونوا....





16 Comments:

Anonymous سوريّة said...

حابة اتفزلك شوي من بعد ازنك، اكمنو ما وراي شي.
هلأ انو هي التيرمز اوف سيرفيس يلي بكل المواقع العربية هي ترجمة سيئة للتيرمز اوف سيرفس لأصحاب هذا الاختراع .
يعني بكونو فتحو تبع البلوغ وترجمو وطلع معون هيك، بس انا بدي نكش تبع "اولات الأمر" من وين طلعت .

كمالة الفزلكة بئى انو احنا مصرين و مصرين انو ناخد اختراعات مو ماشية مع واقعنا. يعني هي التيرمز أوف سيرفس للمواقع الأجنبية وجدت وبيكون يلي كاتبها محامي ومسجلة عند الكاتب العدلي حتى ماتوقع أصحاب الموقع بأي مشكلة فانونية محتملة لاحقا.
طب انو هنن وعندون قانون، وطب واحنا ما عنا قانون، بس عنا مخابرات,فكل شي الو شي.
طب قولتك ازا ضلنا بنسحب بالاختراعات، شي نهار رح ينسحب أرضية هالأختراع؟

فزلكة ختامية:
انو مثلا انت ليش حاطط خيار الوورد فيرفيكشن؟يعني انت مو ساحب اختراع بدون ما تعرف واقعو لشو؟

11 ديسمبر، 2007 7:27 م  
Blogger أحمر said...

ست سوريّة يا ميت صباح الخير لسه كنت بدي أكتب لك هناك إنو إذا بدك تيجي هون عشان نستمني سوا

هو الطيرمس أوف صيرفيص (سنختصرها بحرفي طـس) فعلا هو اختراع غبي لا يتناسب مع واقعنا العربي الإسلامي حيث إنو إحنا في بعض الأمور سابقينهم ألف سنة، وعندنا قوانين متعارف عليها يعني ما فيه داعي أصلا نحكي فيها، وعندنا سلطة (دولة) قانون..إلخ من يوم ما حبت تجرب طس ثاني غير كتاب الله وسنة رسوله (وطبعا قوانين الملل لأهل الذمة) صارت بتترجم الـ طس الغربية وبتضيف عليها عبارات مثل احترام الشرائع والأديان، خصوصيتنا العربية الإسلامية، ولي الأمر.. إلخ وهذه زادت الأمور سوءا. هلق الترجمة هاي موضوع آخر بدو تدوينة خاصة فيه

بس معلش شو يعني وورد فيرفكشن؟ وهاظا أنا عندي منه وانا مش داري؟ كشل!؟

11 ديسمبر، 2007 9:48 م  
Anonymous سوريّة said...

بجي يا خيو ليش ما أجي؟
بس انت مع فعل الممارسات وانا مع فعل الاستمناءات.وشتان بين من بمارس ومن بستمني.

والله علمي علمك شو هي الوورد فيرفيكشن. انا يلي فهمت منها انو زيادة علّة ئلب لكل واحد عندو نت بطيئ وبدو يرسل تعليك , فبتقوم بتهلك سماك لحتى ينبعت .
شيلها منشان اعرف استمني عالسريع..

12 ديسمبر، 2007 4:24 ص  
Anonymous palestinian anarchist said...

يالللللللهههههههه!
عنجد عنجد انه هاي أرهب بلوج شفتها فحياتي!
قعدت يوم كامل عشان اقرأها كلها وبعدها قررت اني اول ما اخلص جامعة واصير كبير رح اترك الاردن وارجع اعيش برامالله(بالمناسبة انا معي هوية قدس)
اسمع انا عندي الحل لكل مشاكلك! خلص حليتها...انا وطني سابق وشيوعي سابق ومنظر وكمبرادور ثقافي سابق(اجتني حالة تنظير واشمئزاز وتشظي بعد ما قرات نقد العقل العربي للجابري)الان انا اناركي(فوضوي: لاسلطوي: انارشي: تحرري) حاليا:
الاناركية هي الحل!
شو رأيك ننشيء حركة الاناركية في فلسطين...وننسى ماركس واليسار البائد ونعطيها اناركية...وجون لينون وبنك ويبييز ...وبدال ما نحكي عن الطبقة العاملة منحكي عن الجندر...ومن مناهشة الاحتلال الى مناهضة كل شيئ.. مناهضة العولمة مناهضة السلطة الابوية الدينية الاجتماعية الفلسطينية كل اشي..
يعني اجواء جديدة وافكار جديدة وتنظيم فوضوي..ومن الاسفل الى الاعلى دائما(حتى في الجنس)
شو رأيك؟

12 ديسمبر، 2007 5:50 ص  
Blogger أحمر said...

سوريّة: لأ إنتي فهمتي غلط. أنا بقترح هلأ شعار "مزيد من الاستمناء، نحو ممارسة منهجية عادلة شاملة". بعدين ليش بدك تستمني عالسريع؟ هيك بيصير جسمك زي الخليلي اللي أكل ميت كفّ على غفلة... على مهلك.. بمزاااج، ركزي معانا! لا عن جد صار لازم نفتح دورة تدريب


فوضوي: ميرسييي خيّو.. شوف أنا بعتقادي إنو أسوا ناس همّا الشيوعيين السابقين، فيك تكون وطني سابق، إسلامي سابق، لوطي سابق أو لاحق أو ملحوق... بس شيوع يسابق يعني واحد طلع على راس الدرج وهلق عم بيسقط. واحد كفر بكل الأخلاق المحافظة عشان شي أرقى منها، والآن كفر بهذا الشي،، يعني كفر بكل شي بما في ذلك نفسه، والآن بدأ ينتقم من البشرية. الشيوعي السابق كائن هلامي مخاطي، مفترس
طبعا مممكن نكون ظلمنا الرفيق باكونين لإنو بصراحة ما بعرف شي عن الفوضوية غير اللي كتبوه الشيوعيين عنها، عشان هيك ممكن أكون ظلمتك فا يفضّل أستثنيك من التصنيف أعلاه، بس عموما إذا معني تمارس الفوضوية في البلاد، وكمان معك هوية قدس (تتجوزني؟)، فا فيه مجموعة فوضوية"إسرائيلية" عايشة في كومونة في تل أبيب، كانوا أحيانا يشاركوا في المظاهرات ضد الجدار. المهم مرة سألت واحد منهم إذا همّا ضد الصهيونية، قال أيوه إحنا ضد الاحتلال، قلت له يعني إنتو مع الدولة الديمقراطية على كل فلسطين؟ قال لي "لأ، إحنا ضد الدولة الديمقراطية، لإننا فوضويين، ومبدئيا ضد كل دولة"........ فاأفحمني، وعقّدني ورجع يحشش في تل أبيب......... وبقيت وحدييييييييييييييييي

12 ديسمبر، 2007 10:49 ص  
Anonymous غير معرف said...

بحار البحارين:
شو يعني الدولة اممت قطاع التدوين؟؟
انا بدي اشتغل في الرقابة عالتدوين يعني بدال ما اختلف معك بصير اشطب و احذف عكيفي و ازا لزم بغير و ببدل يعني هدي الخطوة الثورية اجت بصالحي.بعدين الفوضويين هدول اللي بخبو الحشيش بشعرهم المتضامنات اللي بيجو من عندهم معفنات ,بدنا من الللي بيجو لمؤسسة الضمير هدول حلوات معظمهم مخابرات بس بنعمل حالنا مش عارفين عشنهم حلوات و عشان يضللو ييجو عندنا

12 ديسمبر، 2007 12:51 م  
Blogger أحمر said...

لأ وكمان من ضمن الشروط إنو إذا عندك شكوى على احد مديرين الموقع، فا لازم تكتب إلو مباشرة وممنوع تهاجمه على المدونة. يعني زي لما شرطي يدعس في طيزك وبعدين تروح يعني عدم المؤاخذة على المقاطعى تشتكي عليه، وهما يحلوا لك الموضوع بهدوووووء.... لا تكون إنتا تبع "لا تمت قبل أن تمون ندى"؟

12 ديسمبر، 2007 1:52 م  
Anonymous اناركي said...

التحول من شيوعي الى اناركي لا يعني الكفر بالشيوعية وانما الكفر بالتاريخ، والقدرية الماركسية، و بجهاز الدولة..وعادة بكون ناتج عن نزق برجوازي اكثر منه عقلاني..وهذا هو الاساس: قدر كبير من العبثية تحت شعار الحركة هي كل شيء، والهدف لا شيء...مراهقة لا تنتهي ومعركة مفتوحة ضدكل ما هو سلطوي، والهدف مش الانتصار..
اذا بدي اقارن بين الشيوعي والاناركي فالفرق هائل:
يعني لما الشيوعي يكون قاعد بالحزب وهو ماسك كتب الماركسية لساعات عشان يبرر انتخاب هيوغو شافيز مدى الحياة، الاناركي بكون بالشارع عم بنتج ثقافة وفن وبشارك بالاعتصامات -بدون تراخيص وزارةالداخلية- وعم يعطي الشرطي مخالفة و وبيقول لحرس وزير الداخلية "شو بتعمل هون؟ وين هويتك؟" (وهي حوادث قمنا بها عنجد!)علما بان كل كتب مكتبة الحزب الشيوعي الاردني صفحاتها صفراء تعود لسنوات العز -1900 وسبعينات- ومطبوع عليها السعر العجيب: 80 ليرة لبنانية!

على سيرة الحشيش، من المعروف ان الحشيش تقليد اناركي عريق...يعني لما يكونوا الشباب الشيوعي عم بتقيؤا بالشوارع ربعيات الكونياك الرخيص وهمه عم بتقمصوا مظفر النواب..الشباب الاناركي بكون عم يسمع جاز وطاير..طبعا التجليات المظفرية بتكون بالجانب العاطفي اخطر..يعني الشيوعي يكون واقع فحب بنت اسمها خناجر أو دموع عمرها 35 وبتشتغل بنادي ليلي ويكون كل ليلة عم يحكيلها بعد ما يتقيأ الكونياك الرخيص "ما غيره" انه هي اشرف من كل الزعماء العرب وابول عليه واسكر...اما الاناركي بكون بتفلفس بثقافته الجندرية مع بنت لطيفة بتكره اهلها لانه ما خلوها تحط حلق في لسانها ...يعني بالنهاية الاكتئاب، والملحمية، والسخرية، وتقمص مظفر النواب، والنزوع نحو زياد رحباني، والبلا ولا شي... هي نهاية كل شيوعي..
بس يظل السؤال: شو هو الاشي الخفي المنتاكة امه اللي بخليني يساريين؟ بالنسبة إلي: اتوقع انها العلاقات غير الصحية جدا التي كانت مع الماما، لاني حاسس انه في واوا كبير بروحي!
(اسف كتييير على الاطالة!)

12 ديسمبر، 2007 2:12 م  
Blogger أحمر said...

فعلا شي رهيب

ليك ما تيجي تناضل في نابلس، روح وينما بدك على رام الله على القدس على تل أبيب على مرجعيون... بس ما تيجي على نابلس

عن جد أنا بديت أخاف عليك

12 ديسمبر، 2007 3:40 م  
Anonymous اناركي said...

صراحة انا مش متأكد اني فهمت عليك، بس كتير من شغلنا كان بالمخيمات بالاردن وفي رفاق اناركيين كان الهم تجربة بمخيم عين الحلوة. انا قعدت شهرين بمناجم الفوسفات بمدينة معان(معان مدينة عشائر دايما بصير فيها مشاكل بين الجيش وجماعة التكفير والهجرة)... وما كان في مشاكل..يعني اظن انو منقدر نشتغل بنابلس ما رح يكون صعب..
على اي حال، في خلط عند الشيوعيين بين الكتابة الساخرة والكتابة المسخرة! يا رفيق...

14 ديسمبر، 2007 6:45 ص  
Blogger ابراهيم said...

بلشت اقرا هالبوست الرهيب بكامل تعليقاته وما فهمت اشي, الله العليم من الخوف انه يطب علي حدا ( مع انه المخابرات مش حدا) وتخربطت بمليون نعريف انه هل انا اناركيست ولا اشتراكي ولا قومي ولا ابصر شو... هاي قبل ما اكون اشي سابق .
نشكر الله اني ما كنت شيوعي لا سابق ولا لاحق لنه الشيوعيه على النار...هيك قال شيخنا.
المهم لقيت انه افضل طريقه حتى اني استمر في قرائه البوست هو اني احشش!
والزلمه في عنده على ذمته اجمد روس بالبلد! راس النمر... جرب وشوف كيف النمر بينسطل
مع انه صار عندي تحفظ من الروس بعد ما قريت المخبوصه تبعت ستنا ملاك الله يرضى عليها
بس اخدت راس النمر
ورجعت اقرا انا والنمر.. وعلى الاقل ازا طب علي حدا منلبس راس النمر التهمه لانه بصراحه راس النمر مش على راس المخلفات اللي بتهدد امن الدوله وبالتالي عقوبه اخف شوي على الاقل بتنفد في راسك...واللي بيزيد الطين بله انه الكيان الصهيوني المعفن من بره وجوه يبادر الى سن قانون التفتيش الخفي يعني بامكانهم تشليحك البنطلون ونبش جيابك والدخول الى بيتك واخذ اي دليل دون علمك... حتى لو لم تقدم لك اي تهمه.. الصراحه انا متوقعه زياره اسبوعيه... فما في حاجه تفتح مدونه عند امين ولا البلوجسبوت... شغله وقت والشاباك رح يوصل لعندك...
الشاباك هي المخابرات اللي دابكه فينا من الداخل على غرار الموساد اللي دابك في الخارج..

14 ديسمبر، 2007 1:34 م  
Blogger أحمر said...

رفيق ابراهيم: الفارق بين أنو تكون وراك الشاباك وبين إنو يحاول يلاحقك الأمن الصناعة وطنية، هو إنو مع الشاباك إنتا بتكون على راس النبع، يعني ما راح يصير معه أي سوء تفاهم، لإنو المعلومة واصلتهم طازه. إذا كان وراك الأمن الوطني، راح يصير أولا على طول سوء تفاه، لإنهم أولا أميين، وتانيا ما بيتحمّلوش مزح
الشاباك مش طالب منك إنّك تحبه أو التحبّ الدولة. الشاباك طالب منك ببساطة إنو "تاكل خرا". الأمن الصناعة وطنية بيطلب منّك إنو تحّبه، وتتغزل فيه، وفوقها وبكل سرور تاكل خرا. فهمت الفرق؟


الأناركي الناركوتي: شوف أنا في ألأول معإني شيوعي إبن كلب تسامحت معك وركتك تعمل دعايتك الهدامة لهذا المنهج الكافر اللي راح يرورحوا كل أتباعه على النار .. ما كان بإمكاني قوله سخرية من أو مسخرة على الأناركية كتبته أنت بنفسك، وقطعت قول كل خطيب

هلق واضح من أسلوبك في الزعل ومن شرحك الذاتي لنضالاتك، ومن انتقالك السريع الذاتي من "أرهب مدونة شفتها بحياتك" إلى وصفنا بالمسخرة، إنك ما بتفرق كتير عنّا نحنا الشيوعيين ولاد الكلب، ويمكن هذا جاي من رواسب جبهة ديمقراطية (الشعبية شبابها ما بيصيروا أناركيين لنقص في المخيلة ولأسباب أخرى). أنا قلت اك ما تيجي على نابلس لإنو خايف عليك.... ينيكوك

هلق حول رأيك بكتاباتنا نحنا ولاد الكلب، فا أنا مضطر أحترمه لإنو يعني مش كل مرة بييجي واحد وبيقضي نهار يقرأ كل هالتعريصات، عشان يكوّن رأي حولها، بس عموما هون ما حدا وصف نفسه بأنو بيكتب كتابة ساخرة أو شاطرة أو عاهرة، هون هذه بكل نواضع مدونتي، بطرشق فيها بنات أفكاري بعد ما أضاجعهن، فأقضي وطري واللي ما بيشتريش بيتفرج
إللي بدو يناضل يروح محلّ تاني (بس برضه ما ييجيش على نابلس بدون تنسيق

15 ديسمبر، 2007 1:49 ص  
Anonymous اناركي.. said...

للأسف انا ما بقدر اعمل زيك وانتقل من النص الى صاحب النص واعمل الامور شخصية لاننا-الاناركيين- ملتزمين بقواعد النقد ما بعد الحداثي وهذا بخليك ميت بالنسبة لي ، مش لانك شيوعي بس عشان موت المؤلف وقاعدة "النص لا يحيل الى خارجه" حسب قواعد التفكيك.
على اي حال، في كل تجمع لشيوعيين في العالم في دائما مجموعة من الاشكالوين اللي صاروا جزء من ديكورات الاحزاب. على اختلاف احجامهم من بلد لبلد هم دائما في صدام-ساخر- مع زمرة اخرى من عبيد التاريخ والقدرية الماركسي.
من هالاشكالويين اشكالك، زياد رحباني بلبنان و محمد طمليه في الاردن وعز الدين المناصرة في منطقة جبل الحسين، لكن للأسف ما تبلورت بالضفة شخصيات من هالوزن يمكن كان ممكن يكون ناجي العلي واحد منهم لو ما أكله الذئب.
نحنا- بعد عقد ونص من انهيار الاتحاد السوفييتي- من حقنا نسأل هالشخصيات النقية،العفيفة، العبثية، الطاهرة، الواضحة،المجازية، الطفرانة، وآخرتها؟
اعتذار: انا اسف اني اندلقت على البلوغ بها الطريقة..بوعدك رح يكون آخر تعليق.
ملاحظة: الاعتذار الي، مش الك!

15 ديسمبر، 2007 7:23 ص  
Blogger أحمر said...

أولا شكرا على تشبيه مقامنا المتواضع مع مستوى زياد رحباني يعني على اعتبار إننا من نفس الأشكال، مع تحفظي على وضع الأسماء الأخرى كلها في نفس المستوى وصولا إلى ناجي العلي... على كل حال ميرسييي على المجاملة اللطيفة

من حقك أن تسأل من تشاء "وآخرتها؟"، وستحصل من كل واحد على جواب مختلف
أنا ما عندي جواب لإنو الظاهر ما إلو آخر

وعموما آنستنا، ولا يملّ، وألله معو..

بس بشرفك إنتا ما كنت ديمقراطية؟

16 ديسمبر، 2007 1:14 م  
Blogger dkaken said...

رفيق بحبك على الانحياز الايجابي للبلوغ سبوت و اسمحلي اضم صوتي لصوتك
تاني شي و فبل ما انسى ممكن استعارة عبارة "نمون أو لا نمون" في مدونتي طبعا مع حفط المصدر لانو انا يعني لم اصل لمقام الشيخ احمر او اي من المشايخ او حتى لمقام ألكسندر بوشكين حتى اتلاعب بالكلمات بس يعني بنحط وثائق و صور في مدونتي بلكي توصل الرسالة و فعلا السؤال نمون او نمون

18 ديسمبر، 2007 10:00 ص  
Blogger أحمر said...

صاحب الدكاكين: أولا أهلا وسهلا بك في حفلنا التدويني الساهر، ويلاّ فرجينا همتك فإني مباه بكم الأمم يوم مسابقة اختيار ملكة جمال بورتوريكو

وبالنسبة للشعار المرحلي: ولوّ! بتمون رفيق :)

19 ديسمبر، 2007 9:32 ص  

إرسال تعليق

Links to this post:

إنشاء رابط

<< Home